ងាប់ខ្មាស់គេ

ហេតុអ្វីត្រូវធ្វើអត្តឃាដ	យាយីព្យាបាទជីវិតឯង	។ ។ ។
នទុក្ខមានព្រួយមានចំបែង	ម្តេចមិនប្រឹងប្រែងងើបដោះស្រាយ?
ខឹងខកស្រកខ្លាំងកម្លាំងចិត្ត	ម៉្តេចស្លេះជីវិតមិនសោកស្តាយ
ស្លាប់ហើយលែងវិលយល់សប្បាយ	ស្តាយភ្លេចផ្លូវស្រាយទៅរកភ្លឺ
ងាប់ដោយអត្តឃាដខ្មាស់គេណាស់	ផ្តេសផ្តាសត្បិតយើងលង់ជំងឺ
គិតខ្លៅផ្លូវខ្លីឥតពន្លឺ	អត្តឃាដបញ្ឈឺឈឺនរណា?
អ្នកស្លាប់មានឈ្មោះជាអ្នកចាញ់	មិនខំប្រឹងប្រែងស្រាយបញ្ហា
បណ្តោយខ្លួនលង់ទុក្ខទោសា	យកតែមោហាជាត្រីមុខ
សិនបានសំរន់ចិត្តកំរោល	ប្រមើលឧបាយដោះស្រាយទុក្ខ
សំរាលវិបត្តិឆ្លងអពមុខ	ម៉្លេះសមយើងសុខព្រោះពិចារណ៍